Emisioni Fiks Fare ka sjell një rast mashtrimi nga një agjenci punësimi. Pronari i të cilës merrte para për viza pune dhe kur nuk kthente paratë kërcënonte qytetarët duke ju thënë se ishte kushuri i Nuredin Dumanit. Qazim Shima nga Fieri ka denoncuar në emisionin investigativ Fiks Fare një mashtrim që i është bërë nga agjencia 'Luna Laë'. Ai ka paguar 2150 euro për të përfituar një vizë pune jashtë shtetit dhe për të zgjidhur problemin e tij me ndalimin e lëvizjes në zonën Shengen. Megjithatë, pas pagesës, agjencia nuk ka ndërmarrë asnjë veprim dhe nuk i ka kthyer paratë, pavarësisht kërkesave të vazhdueshme të qytetarit. Gjatë përpjekjeve të tij për të marrë një zgjidhje, qytetari është përballur me justifikime të ndryshme nga pronari i agjencisë, Elton Dumani. Madje, gjatë një debati për kthimin e parave, atij i është përmendur edhe emri i Nuredin Dumanit, një emër i njohur për drejtësinë shqiptare, si një person me të cilin ata kishin lidhje. Pas interesimit të Fiks Fare qytetarit iu kthyen paratë.