Emisioni Fiks Fare solli rastin e disa të moshuarve të qytetit të Elbasanit, ku ankohen për radhën që bëhet në Zyrën Postare nr.6 ku tërheqin pensionet. Por ajo që i shqetëson më shumë është se dhe atëherë kur u vjen radha nuk mbarojnë punë, se kanë mbaruar lekët në postë. Të moshuarit shprehen se ngrihen në orët e para të mëngjesit për të marrë pensionet e tyr, sepse po të shkojnë në orarin që hapet posta, nuk arrijnë dot të marrin pënsionin. Paratë mbarojnë nga fluksi i madh e do të duhet një ditë tjetër për të zënë sërish radhë. Në një ditë tërheqjeje pensioni, radha në këtë postë nis që në orën 6 të mëngjesit. Ka edhe nga ata pensionista që dalin për të zënë radhë edhe më herët. Disa nga këta të moshuar thanë se vijnë çdo ditë për të tërhequr paratë e tyre, por kthehen në shtëpi pa gjë pasi nuk ka para. Edhe pse kanë dalë herët në mëngjes disa prej tyre ora 12:00 e mesditës i gjen ende në radhë, duke i shtuar këtu edhe lajmin jo të mirë të punonjësve të postës që i njoftojnë se kanë mbaruar lekët.