Shkrimtarit dhe filozofit rus i jemi mirënjohës që ka jetuar mjaftueshëm gjatë që të na dhurojë trashëgiminë e tij të madhe. ‘Kalendari i urtësisë’ është një minierë me fjalë dhe shprehje të bukura që ta urtësojnë ditën dhe jetën. Të gjitha të përzgjedhura nga vetë ai. Kjo ka qenë një punë titanike, 15 vjecare nga Tolstoi. Cfarë mund të jetë më e cmuar në jetë thotë ai, se sa të komunikosh cdo ditë me njerëzit më të urtë të botës? -Rënia- Shefqet Meko: është një prurje e re në letërsinë shqiptare nga jashtë Shqipërisë. Ky roman përcjell plot emocion dhe befasi tronditëse rrёnimin e shoqërisë shqiptare tё viteve ‘90-tё. Përmes një gjetjeje mjaft të arrirë artistike, drama e personazhit kryesor, Maks Prifti, ndërthuret me atë të një shoqërie tё zhgënjyer e të nёpёrkёmbur që ndodhet në zgrip të ekzistencës së saj. Një unazë që rrokulliset nëpër shkallë, duket sikur bëhet paralajmëruese e asaj rrokullime që do të pësojë bashkë me idealizmin e personazhit edhe rrethi i hekurt ku ishte mbërthyer Shqipëria e pas Luftës së Dytë Botërore.