Një vendim gjykate në favor të tyre, por një pritje që vazhdon prej 9 vitesh. Fiks Fare sjell historinë e shoqërisë "Përmeti Express", e cila prej vitit 2017 është në betejë për të marrë licencën e transportit të udhëtarëve në linjën Përmet–Tiranë–Përmet. Aksionerët, pjesë e disa familjeve përmetare, thonë se fituan të drejtën në gjykatë pas një procesi të gjatë, ku vendimi i Apelit la në fuqi vendimin që rrëzonte procedurën e mëparshme dhe detyronte institucionet për veprim. Por edhe pas vendimit gjyqësor, ata pretendojnë se vazhdojnë të sorollaten nëpër zyra dhe se licenca ende nuk u është dhënë."Na dhanë të drejtë pas 9 vitesh, por ende presim", thonë ata, ndërsa tregojnë se gjatë kësaj kohe kanë mbetur pa punë dhe se disa familje aksionere janë larguar nga shoqëria. Fiks Fare kërkoi përgjigje nga institucionet përgjegjëse, ndërsa Ministria e Infrastrukturës dhe Energjisë argumenton se duhet ndjekur një tjetër procedurë administrative për licencën