Fiks Fare udhëtoi në qytetin e Kuçovës, me kërkesë të ish fermerit Bledar Gega. Bledari ka pasur një fermë blegtorale në fshatin Qereshnik në Berat. Por, problemet me ushqimin e kafshëve, ku ra pre e një mashtrimi, e detyruan që ta mbyllte. Ai shiti mjetet dhe kafshët, pasi shteti shqiptar, por edhe ai holandez, nuk e ndihmuan të gjente personat që e mashtruan. Ai thotë se ka pasur NIPT fermeri dhe merrej me dele dhe dhi, teksa kishte hapur edhe një fermë në një fshat të Beratit. Shton se, donte të blinte ushqim për blegtorinë dhe ka parë një njoftim në internet se një biznes në Holandë shiste jonxhë, ushqim për blegtorinë. “Kam dërguar 9160 EURO me sëift bankar nëpërmjet një banke të nivelit të dytë në Shqipëri te një klient i një banke në Holandë me dy pagesa për të marrë 52 ton ushqim për kafshët. Pagesat janë bërë në harkun kohor janar – mars 2022. Personi tërhoqi paratë nga banka, por nuk dërgoi asgjë, ishte mashtrim” thotë Bledari. Më pas shton se, pas këtij mashtrimi është detyruar që të mbyllë femrën.