Fiksi bisedoi me z. Andrea Qosja nga Elbasani. 46 vjeçari është prej 20 vitesh është në karrocë me rrota, pasi ka humbur të dyja këmbët. Jeton në Mjekës, është babai i dy fëmijëve. "I jam drejtuar Fiks Fare se pas 20 vitesh që marr KEMP dhe jam me status të përhershëm të përfituesit të Statusit të Invalidit, paraplegjik dhe tetraplegjik. E kam marrë kempin përherë, pa asnjë problem. Librezën e kam marrë në vitin 2017 dhe thotë 'përgjithmonë', ku përfitoj edhe paketën higjeno-sanitare. Nuk mund të bëj punë të tjera, duhet të kujdeset gjithmonë një person" thotë ai. Pas shumë vitesh ai kontaktohet nga njësia administrative duke e njoftuar se i hiqet paketa higjeno-sanitare. " Merrja 160 mijë lekë paketë, tani ma hoqën. Marr vetëm kempin, 110 mijë lekë, asnjë gjë tjetër. Me çfarë të jetoj" thotë ai. Të kontaktuar nga Fiksi njësia administrative pohon se janë njoftuar me telefon që z. Qosja t'i hiqet kjo paketë.