Ndërkohë, denoncimi i dytë është nga një 75 vjeçar. "I jam drejtuar Fiks Fare se dua të denoncoj një politikë të shtrembër të kompanisë 'Ëizz Air' e cila më ka dëmtuar bagazhin gjatë një udhëtimi në kthim nga Xhenova, Itali, për në Rinas. ''Konkretisht në datën 5 nëntor unë jam kthyer nga Xhenova kur kemi mbërritur në Tiranë për të marrë bagazhin e kam gjetur valixhen të thyer. E kisha blerë 1 ditë përpara se kisha nevojë. Mbasi ajo çanta e vogël s'i merrte dot të tëra. Unë pagova 20 euro shtesë dhe mora valixhen" thotë i moshuari. Më tej tregon se kur e gjeti të thyer "sa s'më ra pika". "U qetësova dhe bëra reklamimin ku mora bagazhin. Ai zotëria mbajti 1 procesverbal dhe na orientoi që t'ia nisnim 'Ëizz Air' me e-mail. Bashkë me praktikën dhe fotografive ua dërguam me e-mail. Kompania e vonoi shumë, gati 1 muaj dhe ka dërguar një përgjigje sipas së cilës që është e pamundur që të realizohet. Në përgjigje na thonë çojeni për të riparuar valixhen dhe ne do t'ju kompensojnë. Kërkojnë qiqra në hell" vijon denoncimi.