Në Petovë të Fierit, një familje me pesë fëmijë të mitur jeton në një banesë me çarje në mure e në tavan, ku suvaja po shkëputet. Babai thotë se ndihma ekonomike iu ndërpre pasi një makinë që ia dhuroi kunati u regjistrua në emër të tij. Djali 12-vjeçar tregon se i ka kërkuar të atit ta marrë në punë për ta ndihmuar të rregullojë shtëpinë. Fiks Fare kërkoi nga Bashkia Fier shpjegime për ndërprerjen e ndihmës dhe informacion për verifikimin e banesës e mundësinë e strehimit social. Bashkia i kërkoi redaksisë të paraqiste një kërkesë për informacion. "Fiks Fare", programi i parë investigativ në median shqiptare, fokusohet në korrupsionin dhe padrejtësitë, trafikimin dhe abuzimet me pushtetin, problemet ekonomike e sociale, si dhe hallet e ndryshme të njerëzve.