Shahu është një ndër sportet më të pëlqyer në vendin tonëqë radhitet mbas futbollit. Por kushtet në të cilat stërviten shahistët tanë lënë për të dëshiruar. I quajtur sporti i mëndjes i ka sjell vendit tonë plot trofe sidomos nga brezi i ri që e ka përfaqësuar denjësisht shahun në rang ballkanik e botëror. Madje vetë kryeministri Rama do i dediokontë një status në Facebook Kler Çakut, 13 vjeçares që u shpall kampione Europe për vajzat deri në moshën 14 vjeçare. Çaku u shpall kampione Europe në Kampionatin e Rapidit i zhvilluar në fillim të tetorit në Slloveni. Disa ditë më vonë, në Durrës u organizua evenimenti më i madh i shahut i organizuar në Shqipëri ndonjëherë, me një pjesëmarrje rekord prej 110 ekipesh ,dhe 900 personash , ndër to 30 nga 50 kampion boterorë. Edhe këtu shahistët shqiptarë arritën rezultate shumë të mira. Por përveç këtyre rezultateve dhe statuseve në FB këta shahistë nuk përfituan asgjë, edhe pse ligji ua jep. Ata ende sot e kësaj ditë nuk janë shpërblyer nga ministria për arritjet e tyre, ndonëse në VKM nr 789 dt 15.12.2021 shprehet qartë se Ministria e Arsimit dhe Sportit duhet t'i shpërblejë. Gjithashtu këta shahist që ngrenë imazhin e Shqipërisë në botë nuk kanë as një sallë ku të stërviten.