Qytetarët i drejtohen kësaj zyre dhe marrin informacionin se lista ishte miratuar nga AKMC dhe nga 137 familje më listë ishin 101 familje dhe mungonin 26 familje. Por përveç uljes së familjeve përfshirë në dëmshpërblim , banorët mësua se edhe vlera e dëmshpërblimit kishte ndryshuar , ishte ulur. Madje shuma e cila duhet të merrnin ishte 3 herë më e vogël nga ajo e cila ishte konstatuar në momentin e fatkeqësisë. Përkatësisht, Fatmira Selimllari dëmin e plotë i shte vlerësuar në masën 3.8 milion lekë të dëmshpërblehej. Nga këto 1 milion e ka paguar bashkia dhe 2.8 milion duhet të dëmshpërblehej nga AKMC, por në lista kësaj familje i ishin përcaktuar 91.960 mijë lekë nga 2.8 milion. Përsa i përket Aleko Selimllari një tjetër banori, në listën fillestare dëmi përllogaritej në 2.3 milion lekë. 1 milion z. Aleko i ka marrë nga bashkia ndërsa në listën e AKMC nuk ekziston fare emri i tij. Qytetares Fatmira Sula fillimisht dëmi ishte përcaktuar 3, 38 milion lekë, paguar nga bashkia 1 milion lekë , AKMC në listë ka përcaktuar vetëm 72.400 mijë lekë. Banorët e dëmtuar nuk e lanë me kaq dhe iu drejtuar Emergjencave Civile. Por deri më sot nuk kanë marrë asnjë përgjigje.