Pas këtyre rasteve Fiksi iu drejtua Inspektoratit Shtetëror Shëndetësor, ku inspektori Ardjan Paravani thotë se në bazë të ligjit, konsumi i shishës, cigareve elektrinike është e barazvlefshme me konsumin e një cigareje të zakonshme. Gjithashtu është tërësisht e ndaluar për të gjithë fëmijët nën moshën 18 vjeç e njëjta gjë vlen edhe për tregtimin e tyre. Edhe për alkoolin është tërësisht e ndaluar, konsum tregtimi kundrejt fëmijëve. "Një subjekt duhet që të kërkojë mjetin e identifikimit së pari, në rastet kur nuk jepet mjeti i identifikimit i refuzohet shërbimi. Në rastet kur produkti tregtohet pa mjet identifikimi veprimi është i dënueshëm nga ana administrative dënim me gjobë. Gjoba është për herë të parë të shkeljes së ligjit 30 mijë lekë, për herë të dytë 60 mijë , në rastet e përsëritjes për herë të tretë gjoba është 1 .8 milion dhe mbyllje e veprimtarisë së subjektit për një periudhë të caktuar" pohon inspektori. Që nga fillimi i vitit 2022 deri më 31 tetor 2022 janë vendosur mbi 100 masa administratve kundrejt subjekteve që janë konstatuar me shkelje . Inspektorati ndjek zbatimin e ligjit në konsumin e të duhanit, shishës, argjiles apo të cigares elektronike në ambjente të mbyllura. Këto gjoba janë të vendosura kryesisht për raste të përdorimit të shishës , argjilës dhe cigareve elektrike në ambiente të mbyllura. Por edhe pse inspektoriati raporton shifra ende konsumimi i shishës alkoolit është prezent nën moshën e lejuar, siç e faktoi dhe Fiks Fare.