E njëjta situatë është edhe në fshatin Labovë e Sipërme në Bashkinë Libohovë. Edhe ky fshat mban shumë histori dhe monumente kulture, por që sipas banorëve përveç dy tabelave të gabuara asgjë nuk është investuar në katër vitet e fundit. " Nuk është bërë asgjë, përveç dy tabelave, por edhe ato nuk janë tonat" shprehet një banor "Harta nuk është e fshatit tonë dhe fotot e kishës nuk janë tonat". Edhe banorët në këtë fshat ankohen për rrugën. "Për shkak të rrugës nuk na vijnë vijnë as fëmijët të na shohin më"- pohon një tjetër banor i moshura, pasi në fshat vetëm ata kanë ngel. Kishën e fshatit ata pohojnë se e kanë restauruar vetë me kontributet e fhsatarëve dhe të emigrantëve. Madje vetë fshati po rregullon edhe godinën e ish Vartës së Kulturës për ta patur për ceremoni të ndryshme. Pra, në këto fshatra nuk është bërë asnjë investim dhe projekti 100 fshtrat turistikë ka mbetur thjesht në letër.