Emisioni Fiks Fare solli mbrëmjen e sotme rastin e një qytetari nga fshati Bardhaj i Kuçovës i cili për shkak të një faqeje në Tik Tok, ka shkuar deri në tentativë vetëvrasje. Një 72-vjeçare e shqetësuar për gjendjen e djalit të saj tregon se atij i është hapur një faqe në Tik Tok, ku e tallin dhe e akuzojnë se ngacmon një 15 vjeçare. Ndërkohë djali edhe pse është 37 vjeç, denigrimi dhe akuzat që i bëhen nga kjo faqe i ka shkaktuar shumë shqetësim. “Jam shumë i shqetësuar, është imazhi im, unë kurrë s’kam ngacmuar të mitura, më marrin njerëzit në telefon dhe më thonë çfarë është kjo” thotë ai. 37- vjeçari pranon se e ka menduar vetvrasjen, pasi për të kjo që i ka ndodhur është shumë e rëndë. “Unë e mendoj po sikur të isha baba dhe të ishte hapur një gjë e tillë, po nëse i hapet mbesës sime? Kjo është shumë e rëndë , ndaj dua të mbyllet” thotë ai.