Drane Nikolli nëna 36 vjeçare e 3 fëmijëve të braktisur nga bashkëshorti i drejtohet Fiksit për ndihmë. Ajo është ndarë nga bashkëshorti i saj për arsye të forta të dhunës nga konsumimi alkoolit, si rrjedhojë është braktisur prej disa vitesh dhe endet rrugëve. Djali i saj i madh është i paralizuar në karrocë dhe ajo për pamundësi financiare ja ka lenë Kishës, pasi ka dhe dy fëmijë të tjerë të mitur. Ajo jeton në Tiranëe në një dhomë si magazinë, pa tavan, pa drita. Të vetme të ardhura janë 20 mije lëkë që i jep Kisha me të cilat paguan qiranë dhe me diferencën që i mbetet blen ushqime për fëmijët. Ajo nuk ka as kushte për të gatuar ,nuk ka dush për t'i larë tregon se i pastron me letra të lagura. Ajo pashaportizimin e ka në Pukë dhe kërkon divorcin nga i shoqi, por që nuk ka para për të hapur gjyqin. Fiksi iu drejtua Shërbimit Social Tiranë dhe Njësisë nr 11 ku drejtori Alfred Muharremi gjeti një zgjidhje. 36 vjeçarja dhe tre fëmijët e saj u sistemuan në një shtëpi në Kamëz ku qiraja paguhet nga bashkia, kurse arredimi i saj u bë nga shërbimi social. Alfred Muharremi drejtori i Shërbimit Social të qarkut të Tiranës falenderon Fiksin për sinjalizimin dhe në bashkëpunim me fondacionin Mirësi për Botën dhe përfaqësues të Bashkisë Kamëz dhe Tiranë mundën t'i sogurojnë Dranes kushte më të mira jetese. "Sot është dhe data 12 Prill e cila përkon dhe me ditën ndërkombëtare të fëmijëve në rrugë. Shpresojmë t'i vijmë sa më shumë në ndihmë familjeve të këtyre problematikave, pasi kjo është detyre e Shërbimit Social dhe uroj që kësaj nisme t'i bashkohen dhe shumë organizata të tjera" përfundon z. Muharremi.