Një studim i realizuar nga Banka Botërore, rezulton se shqiptarët kalojnë në dembelizëm një pjesë të konsiderueshme të jetës së tyre, 20-30 vite. Ky studim ka marrë në shqyrtim personat në moshë punë (15-65 vjeç). Të dhënat tregojnë se në Ballkan njerëzit në moshë punë preferojnë të vegjetojnë, duke mos u përfshirë në tregun e punës për periudha të gjata kohore, gjë që nuk ndodh kaq masivisht ne rajonet e tjera. Në disa vende të Ballkanit të tilla si Kosova, papunësia raportohet në rënie për shkak se njerëzit nuk duan të punojnë dhe për rrjedhojë as nuk raportohen si të papunë. Po nga ana tjetër, për shkak të emigracionit ka edhe mungesa në tregun e punës për profesione të caktuara si IT, mjekë...etj.