Për orë të tëra u debatua në parlamentin e kosovës, mes deoutetëve të pozitës dhe opozitës, ndërkohë që kryeministri Albin Kurti ishte thirrur të jepte sqarime për planin evropian dhe dialogun me Serbinë. Seanca nisi në orën 22 të së enjtes dhe përfundoi pas mesnate, rreth orës 2.30 minuta. Kurti tha se “Zajednica”, sic quhet masivisht në kosovë asociacioni i komunave me shumicë serbe, edhe pa u zbatuar, ka shkaktuar shumë dëme... “Zajednica ka kaluar këtu në Kuvend. Zajednica nuk kalon, nuk ka kaluar në gjykatë, nuk kalon në popull. Zajednica nuk kalon as në Kryeministri e as në Qeveri. Por, këtu, në Kuvend, ka kaluar. Përfshirë edhe deputeten, se e harrova me e përmend, tash po e kuptoj pse po bën zhurmë. Me datën 27 qershor 2013, edhe deputetja Ganimete Musliu e ka votuar Zajednicën” Kurti tha se Beogradi zyrtar gjatë “bisedimeve për dialogun, e ka dashur zbatimin e Asociacionit si parakusht”.