Në mbledhjen e Këshillit të Përgjithshëm të Vetëvendosjes nuk pati asnjë surprizë. Albin Kurti mori votën unanime të anëtarëve për të qenë kandidat i partisë më të madhe në Kosovë për kryeministër në zgjedhjet e qershorit. Vetë Albin Kurti deklaroi se zgjedhjet mund të ishin shmangur, nëse vendi do të kishte një demokraci të pjekur, megjithatë ai shfaqi bindjen se Vetëvendosje do të sigurojë mbështetjen dërrmuese të popullit të Kosovës jo vetëm për të formuar e vetme qeverinë e re, por edhe për të zgjedhur presidentin e ri të vendit. Zgjedhjet e jashtëzakonshme në Kosovë do të mbahen më 7 qershor.