Ish-agjenti britanik dhe u kthye në spiun të Bashkimti Sovjetik, George Blake ka vdekur këtë të shtunë në Rusi, ku jetonte prej vitesh. Lajmin e kanë bërë të ditur fillimisht mediat ruse, të cilat shkruajnë se Blake vdiq në moshën 98-vjeçare. Gjatë shërbimit të tij si agjent i MI6 Blake ka punuar edhe si spiun I dyfishtë për Bashkimin Sovjetik ku ka zbuluar identitetet e qindra agjentëve britanikë në pjesën lindore të Evropës gjatë Luftës së Ftohtë midis Perëndimit dhe bllokut komunist. Në momentin që u zbulua në vitin 1960 ai dënua me 42 vite burg në Londër. Nga viti 1996 Blake ka jetuar në Rusi. Në një intervistë që dha në vitin 2012 Blake nuk shprehu pendim për atë që kishte bërë gjatë Luftës së Ftohtë.