Mediat gjermane, kanë publikuar të dhëna interesante për vaksinimin në Serbi, por edhe shokuese për heshtjen e numrit të të vdekurve në serbi. Sipas DË serbia hesht për numrin e vërtetë të viktimave nga koronavirusi. Në një film dokumentar të titulluar Vaksina për të gjithë, të publikuar në Televizion e Dytë Gjerman ZDF, si dhe në kanalin gjermano-francez Arte, thuhet se Serbia ka raporte të ngushta me Rusinë dhe Kinën dhe se Serbia ka porositur vaksina nga mbarë bota. Por shumëkush refuzon të vaksinohet. Në Serbi ka shumë kundërshtarë të vaksinimit, të cilët përhapin frikë ndaj vaksinave. Ekipi gjerman televiziv ka shoqëruar edhe një ekip të lëvizshëm për vaksinim në fshatin Radenkovac afër Sokobanjës. Atje jetojnë kryesisht të moshuar dhe tregon për skepticizmin mes banorëve atje. "Të vaksinuarit nuk mund të lindin fëmijë", kjo është një prej teorive më të shpeshta konspirative, të cilën e besojnë shumë njerëz në Serbi. Muajt e kaluar ka pasur një shkallë të lartë infektimesh në serbi ndërsa restorantet, kafenetë, butikët dhe dyqanet janë të hapura, ndërsa distancën nuk e respekton askush. Gjendja e vërtetë shihet në morgje, ku çdo ditë vijnë shumë makina me të vdekur, por edhe në varreza, ku varrmihësit me shpejtësi hapin gropa të reja ku futen të vdekurit nga koronavirusi. Qindra varreza të reja flasin për dramën për të cilën flitet në qarqe private por jo në media. Për përmasat e dramës në Serbi nuk ka të dhëna zyrtare“, thuhet në dokumentar. Por, për gjendjen reale raporton vetëm një numër i vogël mediash të pavarura. Shumica e mediave, janë në pronësi të biznesmenëve të afërt me pushtetin. Suksesi i fushatës së vaksinimit, është për ta më i rëndësishëm se gjendja rela dhe kjo për shkak se gjithcka ëhstë fushatë elektorale e presidentit Vucic.