Investitorët amatorë të përfshirë në cmendurinë e shitësit të lojërave elektronike GameStop në shba, mund të humbasin gjithcka. Dhe paralajmërimi i qartë vjen nga ish agjenti i bursës që ka frymëzuar filmin Ujku i Ëall Streetit. Jordan Belfort, që u arrestua për manipulim të tregut në 1999 tha se investime të tilla mund të jenë të pëlqyeshme kur janë në ngritje, por shumë të dhimbshme në zbritje. Aksionet e gameStop u rritën me 700 për qind javën e shkuar pasi amatorët, të frymëzuar nga këshillat e ndara në median sociale, u hodhën në blerje të tyre. Por, vlera e këtyre aksioneve ka rënë ndjeshëm tani. Ato ranë me 63 për qind të enjten, duke arritur në vlerën 81 dollarë, një shifër shumë herë më e vogël kjo nga 350 dollarët e javës së shkuar. Belfort thotë se ai i simpatizon të gjithë tregtarët e vegjël që janë tërhequr nga GameStop, por thotë se duhet treguar shumë kujdes sepse këto aksione do të shemben përsëri.