Chris Evans dhe gruaja e tij e re, Alba Baptista duan të martohen për herë të dytë. Çifti do të ketë një festë të dytë në Portugali për anëtarët e familjes Më pas ata do të nisen nga Portugalia për muajin e mjaltit. Lajmi për ceremoninë e dytë të martesës vjen vetëm disa ditë pasi Evans dhe Baptista kurorëzuan dashurinë e tyre në një ceremoni intime në shtëpinë e tyre në Boston. Çifti ftoi të afërmit dhe miqtë e tyre më të afërt. Në dasmë morën pjesë disa nga yjet e filmit Marvel. Sipas mediave të huaja të ftuarit në dasmë nënshkruan marrëveshje sekrete për atë që ndodhi në ceremoni dhe më pas, dhe askush nuk u lejua të kishte celularin me vete. Alba Baptista, 26 vjeç, e cila u bë e njohur për publikun nga pjesëmarrja e saj në serialin fantazi të Netflix, është me origjinë nga Portugalia, ku edhe ka nisur karrierën e saj.