Tuna Sejdiu së fundmi ka thyer heshtjen dhe ka ndërmarrë një iniciativë tepër prekëse dhe humane. Ajo është bërë pjesë e një organizate zvicerane të quajtur ‘For Children Smile’ dhe kauza për të cilën do të punohet ka bërë që publiku të shoh një anë të padëgjuar më parë të këngëtarës. Ajo ka publikuar në Instastory, një fotografi ku shfaqet me anëtarët e organizatës dhe e shoqëron me mbishkrimin “Gati për rrugëtimin tonë!”. Bashkë me ta, ajo do t’iu vijë në ndihmë fëmijëve në nevojë, fëmijëve të sëmurë, të prekur nga luftërat apo të goditur nga fatkeqësi natyrore. Këngetarja ka bërë të ditur me anë të një tjetër postimi se ka udhëtuar për në Siri. Ky udhëtim disa ditor, do t’i jap mundësinë këngëtares të takojë fëmijët në nevojë në vendin e pushtuar nga lufta. Prej kohësh Tuna është distancuar nga muzika dhe nuk ka publikuar ndonjë projekt të ri muzikor. Pasi u bë nënë për herë të dytë, në maj të këtij viti, ajo iu përkushtua familjes dhe rritjes së dy djemve të saj , Tian dhe Zen.