Orët e para të mëngjesit të së shtunës, nisën me erë të fortë dhe reshje të dendura shiu, ndërsa temeperaturat zbritën 6 deri në 7 gradë Celsius. Kjo e shtunë solli vjeshtën, ku kapërcimi i temperaturave ndodhi në mënyrë të menjëhershme brenda pak orësh. Reshjet e dendura të shiut krijuan probleme në 3 qarqe të vendit. Bashkia Tropojë është më e prekura, ku reshjet shkaktuan dëme të konsiderueshme në infrastrukturën rrugore, banesa dhe toka bujqësore. Në segmente të caktuara ka shembje dhe gërryerje, ndërsa rezervuarët janë në kuotat maksimale. 7 famlilje janë bllokuar në fsharin Lumi të njësisë administrative Margegaj. Prurjet e shumta dëmtuan disa ura, ndërsa në njësinë administrative Bujan rrezikohet ura në Disdar si pasojë e prurjeve të shumta të lumit Bushtricë. Dëme ka edhe në bagëti. Ndërkohë, në njësitë administrative Llugaj, Bytyç Margegaj ka ndërprerje të energjisë elektrike. Të dhënat u bënë me dije nga agjencia e mbrojtjes civile. Nga ana tjetër, në bashkinë Vau i Dejës në qarkun e Shkodrës ka prezencë të ujit në disa pjesë të bashkisë si dhe ndërprerje të energjisë elektrike në lagjet: Lisen, Mllojë dhe Dejë, njësia administrative Vau-Dejës, bashkia Vau-Dejës. Përkeqësimi i motit gjitashtu solli vështirësi në kalueshmrqinë e mjeteve në aksin e bllokuar Tamarë- Vukël dhe Vermosh njësia administrative Kelmend, në Malësi të Madhe si dhe në aksin rrugor Qafë mali- Fierzë, si dhe rrugët rurale të njësive administrative Fierzë, Blerim, dhe Iballë në Fushë Arrës. Po punohet për zhbllokimin e rrugëve si dhe për kthimin e energjisë në njësitë Iballë dhe Fierzë. Në bashkinë Elbasan situata është më e normalizuar pas ndërprerjes së reshjeve, por po punohet nga grupet e punës të: strukturave përgjegjëse, kontraktuesit e mirëmbajtjes së rrugëve dhe OSHEE për normalizimin e situatës.