Top News – Tea flet për herë të parë për Andin/ “Theu” rrjetet sociale me lidhjen e saj me Beartin

Në programin “Dua të të bëj të lumtur” në Top Channel, u trajtua historia e një gruaje, e cila pas shtatzanisë kishte shtuar në peshë. Pavarësisht përpjekjeve të vazhdueshme të saj, ajo nuk ia kishte dalë mbanë që të humbiste peshën dhe si rrjedhojë kishte humbur vetëbesimin. Ish-konkurrentja e “Përputhen”, Tea Trifoni ishte e ftuara speciale për t’i dhënë një mesazh mbështetës, e cila gjithashtu ka patur probleme me peshën. Kujtojmë se historia e Teas dhe Beartit, pas publikimit të fotografive të tyre, bënë xhiron e rrjetit. Ajo dhe Bearti për herë të parë pranuan që ishin të lidhur së bashku duke ngritur dyshime të mëdha nëse lidhja që ajo kishte më parë me Andin në“Përputhen” kishte qenë ndonjëherë e vërtetë apo jo. Në “Dua të të bëj të lumtur”, Tea tregoi se historia e dashurisë me Beartin kishte nisur që në momentin që ai ishte larguar nga “Përputhen”. “Thonë që çudia më e madhe tri dit zgjat, por kjo e imja zgjati për 3 javë. Historia ime dhe e Beartit nisi pasi ai u largua nga programi dhe të gjithë e dinin këtë gjë, madje dhe vetë produksioni. Andi është një mik i mirë i imi, asgjë më shumë. Publiku i gjerë kishte krijuar imazhin e tyre për mua, por unë nuk mund të zgjedh dashurinë e jetës sime në bazë të mendimeve të tyre. Falë ‘Përputhen’ gjeta partnerin e jetës sime e për këtë nuk pendohem”