Korridore boshe dhe vetëm tetë foshnje në shtretërit e tyre. pavioni i maternitetit në qytetin e Grabovos, tregon gjithcka që do të dish për rënien drastike të shkallës së lindjeve në Bullgari. “Nuk ka shumë njerëz në moshë për të lindur fëmijë që kanë mbetur këtu. Të rinjtë janë larguar duke kërkuar vende pune në qytetet e mëdha apo jashtë vendit”, thotë pediatria Bistra Kamburova. Gabrovo, e gjendur në rrëzë të maleve Ballkan, është simbol i rënies demografike në vendin më të varfër anëtar të Bashkimit Evropian. Dikur, i njohur si Mancesteri bullgar për shkak të industrisë së tij në shpërthim, qyteti ka humbur gjysmën e popullsisë që nga 1985. E kjo është në fakt një histori e njohur në të gjithë pjesën tjetër të vendit. Korrupsioni, mungesa e perspektivës dhe një spirale krizash politike që do ti cojnë bullgarët në zgjedhje sërish të dielën, në zgjedhjet e katërta të përgjithshme në 18 muaj, kanë bërë që të rinjtë e zhgënjyer të hedhin sytë gjetkë.