Kryeprokurori i Prokurorisë Themelore në Prizren, Petrit Kryeziu, tha të premten se 109 persona janë ndaluar nën dyshimet për keqpërdorim të votave të zgjedhjeve të parakohshme të 28 dhjetorit. Ata do të qëndrojnë në paraburgim për 48 orë ndërsa mësohet se janë kryesisht komisionerë por edhe familjarë të kandidatëve për deputetë. Ata dyshohen se kanë falsifikuar rezultatet zgjedhore e po ashtu për presion e kanosje si dhe dhënie e marrje ryshfeti bëri me dije prokuroria e Prizrenit. Sipas tij, një manipulim i tillë nuk ka mundur që të ndodhë pa një kompromis mes komisionerëve të katër partive më të mëdha politike. Do të ishte e pamundur të ndryshoheshin të gjithë këto vota po të mos kishte kompromis të gjithë komisionerëve, atyre që kanë qenë të deleguar nga katër partitë politike më të mëdha në Kosovë sepse sistemi është i tillë që komisionerët në një mënyrë janë mekanizëm kontrollues