Bardhok Pllanaj u ekzekutua mbrëmjen e së dielës në një atentat mafioz. Vrasësit i kishin bërë pritë në lagjen Dobracc, ndërsa e kishin ndjekur për më shumë se 150 metra. Vrasja është kryer nga makina, ndërsa autorët pas krimit, në pamundësi për t’u larguar më tej për shkak të trafikut kanë djegur makina pak metra larg vendit të ngjarjes. Mbi Bardhok Pllanajn janë derdhur mbi 40 plumba kallashnikovi, ndërsa ekspertët e Policisë thonë se vrasja ka qenë e planifikuar për 46 vjeçarin, i njohur ndryshe dhe me nofkën “Kumbari i Shkodrës”. Përveç kësaj, Pllanaj ishte shpallur në kërkim nga policia për atentatin ndaj efektivit të ‘Shqiponjave’, Albert Pjetri, ngjarje e ndodhur vetëm katër muaj më pare. Ende pa kaluar lagjen e tij, një mjet “Volksëagen Passat” me targa italiane, i preu rrugën “Kumbarit” dhe zbrazi 40 plumba kallshnikovi mbi të duke e lënë të vdekur në vend. Por e pafikur, makina vijoi të ecte derisa u përplas me murin e një biznesi. Policia rrethoi zonën duke varur shpresat tek shenjat që mund të jenë lënë brenda mjetit të djegur dhe armëve të zjarrit. Për herë të fundit, emri i Pllanajt, “Kumbarit” të Shkodrës, u përmend në media për sulmin me armë zjarri ndaj lokalit në pronësi të efektivit të forcave “Shqiponja”, Albert Pjetri, ngjarje e ndodhur në dhjetor të vitit të kaluar. Krimi ndodhi afër shtëpisë së Pllanajt, ndërkohë, që ulurimat therëse të vajzës së tij janë dëgjuar thuajse nga të gjithë.