Kosova po shndërrohet nga konsumues i sigurisë në kontribuues për paqen globale, ka deklaruar ministri I Mbrojtjes, Ejup Maqedonci, në lidhje me pjesëmarrjes e kontigjentit prej 22 ushtarësh në misionin ndërkombëtar stabilizues në Gazë. “Për herë të parë, Kosova po merr pjesë në një mision të autorizuar nga Këshilli i Sigurimit i OKB-së, edhe pse ende nuk jemi anëtare e Kombeve të Bashkuara”, është shprehur Maqedonci. Sipas ministrit, nuk ekziston asnjë mision paqeruajtës pa rreziqe. Ai tha se pjesëtarët që do të operojnë atje mund të përballen me kërcënime dhe rreziqe, duke përfshirë edhe rrezikun për jetën. Sipas ministrit, ky është çmimi i kontributit për paqe dhe siguri. Sa i përket rolit të FSK-së në Gazë, Maqedonci u shpreh se misioni do të ketë karakter kryesisht humanitar, do të kontribuojë për vendosjen e paqes dhe do të ndikojë në rimëkëmbjen e Lindjes së Mesme.