Shakira e fitoi betejën ligjore me autoritetet spanjolle, që e akuzuan atë për evazion fiskal dhe shmangie detyrimesh. Këngëtarja kolumbiane me famë botërore u shpall e pafajshme nga një gjykatë në Madrid, që urdhëroi autoritetet t’i rikthenin asaj 55 milionë euro të sekuestruara padrejtësisht. Gjykata tha se autoritetet nuk arritën që të proojnë se Shakira kishte qëndruar për një kohë të mjaftueshme në Spanjë përgjatë vitit 2011 për t’u klasifikuar si rezidente tatimore. Ligji spanjoll dikton që një individ duhet të kalojë më shumë se 183 ditë në Spanjë për t'u detyruar të paguajë taksat.