Këngëtarja dhe ish-banorja e Big Brother Vip, Semi Jaupaj, mesa duket do të jetë pjesë e live shoë që do të transmetohet sonte në mbrëmje në ekranin e Top Channel. Këtë gjë këngëtarja e ka konfirmuar nëpërmjet një postimi të bërë në instagram, ku foton e saj e shoqëron me fjalët “shihemi sonte”. Kujtojmë se, herën e fundit, ku ajo ishte e ftuar në spektakël rrjeti ziente nga afrimiteti i Donaldit dhe Beatrix, për të cilën Semi tha se është një lojë, ndërsa kur dëgjoi Donaldin duke iu referuar Beatrix se “ajo që dua është kjo”, këngëtarja nuk e përmbajti veten e madje u largua nga spektakli para përfundimit të transmetimit, vetëm pak momente pasi u shfaq klipi i Donaldit dhe Beatrix. Semi ka qenë shumë e afërt me Donaldin brenda shtëpisë, aq sa e ka quajtur “vëlla”, por mesa pamë të gjithë, miqësia e saj me Bora Zemanin, e cila po e priste Donaldin jashtë e tejkalon çfarëdolloj raporti që ajo krijoi me Donaldin brenda shtëpisë. Ajo nuk është prononcuar më për trekëndëshin “Bora-Donald-Beatrix”, ndërsa duhet të presim se çfarë do të ndodhë sonte në mbrëmje.