Selena Gomez si gjithmonë është shumë aktive në rrjetet sociale, ku ndan me ndjekësit pjesë nga jeta e saj private, bashkëpunimet muzikore, apo planet e saj për të ardhmen. Së fundmi, këngëtarja e njohur ka ndarë në Instagram disa foto ku shihet teksa pozon për kopertinën e revistës “Australian Vogue”. Përmes revistës, artistja ka promovuar linjën e saj kozmetike “Rare Beauty” si dhe ka folur rreth planeve të saj në jetën profesionale. Gomez tregoi se shumë shpejt do t’i rikthehet televizionit por edhe muzikës. Këngëtarja së fundmi publikoi albumin e saj me këngë spanjolle, i cili titullohet “Revelacion”. Selena së fundmi ka ndërmarrë një iniciativë të re për t’ju ardhur në ndihmë të gjithë të rinjve që vuajnë nga problemet me shëndetin mendor. Në një postim të bërë së fundmi në Instagram, Gomez ka shpjeguar më shumë detaje në lidhje me këtë fushatë. Rikujtojmë, se 28-vjeçarja është rrëfyer edhe për të shkuarën e saj, problemet financiare të familjes e shumë detaje të tjera.