Roli i patronazhistit dhe grumbullimi I të dhënave personale të shtetasve të ndruyshëm nga ana e tij janë kthyer në debatin kryesor të këtyre ditëve. Por si funksionon dhe si arrin t’I mbledhe të dhënat një njëri I angazhuar pranë ps dhe që mbledh në terren informacione për persona të caktuar. Pas zbulimit të skemës së patronazhit të dalë në media nga kompjuterat e zyrave të Partisë Socialiste, shumëkush me të drejtë do pyeste: A kanë dalë të dhënat e mia dhe kush më ka në patronazh. 910 mijë qytetarë të Tiranës ndihen të spiunuar që numrat e tyre të telefonit, të dhënat personale janë pjesë e një regjistri online, që tashmë është në duart e të gjithëve. Një database që përmban informacione rreth punësimit të dikujt, merr ose jo ndihmë ekonomike, trajtohet me KEMP apo pret t’i legalizohet shtëpia, dhe çdo lloj problemi që mund t’i zgjidhë shteti. Dhe të gjitha këto informacione i merr patronazhisti, i cili i është caktuar. Ajo që ka bërë patronazhistin të marrë indirekt konotacion negativ është se shumë informacione kanë dalë jo prej punës së tij, por prej zyrave të shtetit. Një patronazhist i caktuar në një zonë të një njësie të caktuar ka për detyrë të kontaktojë me personat të cilët i njeh ose i janë vënë përsipër të “hetojë”.