Igli Spahija dhe Bledar Bali, dy personat që u vunë në pranga pasi dhunuan mjeken në pavionin e Infektivit, pasi i afërmi i tyre ndërroi jetë, kanë shprehur pendesë për aktin. Në dëshminë e dhënë para policisë, ata janë shprehur se në momentin që kanë rrahur doktoreshën kanë qenë të dehur dhe të hidhëruar nga lajmi tronditës që kanë marrë. Gjithsesi, në dëshmi ata shtojnë se kanë shumë rezerva për shërbimin që bluzat e bardha i kanë bërë të afërmit të tyre të sëmurë. “Kemi qenë të dehur dhe të hidhëruar me lajmin për vdekjen e familjarit. Mjekja nuk u kujdes për të dhe kemi shumë rezerva për ekipin mjekësor”, kanë deklaruar ata.