Bilanci i tre muajve të fundit i publikuar nga ministria e Financave dhe Ekonomisë, pasqyroi një panoramë pozitive në kuadër të të ardhurave buxhetore të cilat rezultojnë të jenë 108.6 miliardë lekë si dhe sinjalizoi një gjallërim të ekonomisë. Për të folur mbi këtë çështje të ftuar në “Breaking” ishin gazetarja Genta Dobra si dhe eksperti i njohur Ardian Civici. “Këtë vit nuk duket se ka shpenzime publike të stërmëdha për t’i paraprirë fushatës, në kohën e zgjedhjeve ka një tendencë për të shtuar investimet dhe stimuluar punësimin e favorizuar biznesin. Të gjitha këto tregojnë se ndikimi i tyre në ekonomi ka qenë direkt. Një shifër ka qenë shqetësuese, niveli akoma shumë i ulët i inflacionit nën nivelin e parashikuar të BSH-së. Pra akoma nuk është në nivelin e duhur për të mbuluar gropën e vitit 2020, për t’iu rikthyer rritjes së parashikuar 3-4%” Gazetarja Dobra e cilësoi këtë tremujor si një surprizë për ekonominë e vendit, me një shifër pozitive që i paraprin edhe rivitalizimit të ekonomisë shqiptare.