Kriza demografike në Shqipëri ka ardhur dhe më efekte shumëdimensionale negative, sidomos në treguesit e fertilitetit dhe të lindshmërisë. Nga të dhënat të Cens 2023, në Shqipëri banojnë rreth 510 mijë femra në moshë riprodhimi, por rreth 43 përqind e tyre nuk kanë fëmijë. Sipas Monitor, të ndara sipas grupmoshave, femrat që nuk po lindin deri në moshën 30 vjeç janë më të shumta në numër se ato që po lindin. Në grupmoshën 25-29 vjeç sërish dominojnë femrat pa fëmijë, pasi 53 % e tyre nuk kanë lindur ende sipas Cens. Pas moshës 34-vjeç, nisin e dominojnë femrat që kanë kryer lindje, por edhe në këtë grupmoshë 25% e femrave nuk kanë lindur. Rritja e emigracionit të meshkujve gjatë vitetve të fundit, si dhe zhvillimi personal I femrave, po ndikon në normat e fertilitetit. Po ashtu, Shtesa natyrore e vendit është tërësisht e varut nga numri I grave në moshë riprodhimi, por ato po pësojnë rënie të shpejtë dhe një pjesë e konsiderueshme e tyre nuk preferojnë të lindin.