Situata nga zjarret në Turqi vazhdon të jetë e rëndë pasi më shumë se gjysma e vatrave kanë dalë jashtë kontrollit. Më shumë se 63 vatra zjarre kanë shpërthyer ditën e djeshme dhe sot ku vetëm 30 janë mundur të vendosen në kontroll. Kanë qenë të shumta shtetet të cilat ofruan mbështetjen e tyre ndaj shtetit turk. Malajzia ka publikuar një mesazh ngushëllimi për viktimat si pasojë e zjarreve pyjore në zona të ndryshme të Turqisë. Nga ana tjetër, grupi i parë i skuadrave të Ministrisë së Situatave Emergjente të Azerbajxhanit erdhi në provincën jugperëndimore Mugla të Turqisë për të mbështetur luftën kundër zjarreve në pyje. Grupi prej 100 personash, i cili mbërriti në Aeroportin e Dalamanit me një avion të posaçëm nga Aeroporti “Heydar Aliyev” i Bakusë, do të mbështesë përpjekjet e zjarrfikësve turq për shuarjen e zjarreve.