Një cift nga Ukrahina kanë zgjedhur të qëndrojnë të lidhur për plot 123 ditë për t’i shprehur dashurinë njeri tjetrit. Sfida mes Victoria Pustovitova dhe Alexander Kudlai nisi ditën e e dashuruarve më 14 shkurt. Kur dyshja vendosi të hiqte zinxhirët, momenti u ndoq me kamera të shumta, të cilat ishin tepër kurioze për të parë cfarë do të ndodhte. Çifti pretendon se shembulli i tyre do të jetë mjaft i mirë për të tjerët, e shpresojnë që e gjithë sprova që kanë kaluar të ketë shërbyer për diçka. Alexander dhe Viktoria thonë se jetën e përditshme në këtë mënyrë kanë mundur të menaxhojnë, përfshirë këtu nevojën për të shkuar në tualet, të gatuash, të lash enët apo të ngasësh makinën. Alexandër pranoi se ideja për këtë eksperiment ishte e tij, për shkak se e dashura largohej menjëherë edhe me zënkën më të vogël që kishin në çift, dhe për këtë arsye vendosën të lidhen me zinxhirë. Viktoria fillimisht kishte refuzuar, por më pas pranoi.