Ukraina është larg humbjes dhe do ta përfundojë luftën me fitore – tha presidenti ukrainës, Volodimir Zelenski, në një intervistë për BBC nga zyra e tij në kiev. Ai u shpreh kategorikisht kundër pagesës së një çmimi për një marrëveshje armëpushimi të kërkuar nga Presidenti Vladimir Putin, i cili po shtyhet pas nga territori strategjik që Rusia nuk ka arritur ta kapë pavarësisht sakrificës së dhjetëra mijëra ushtarëve. Putini, thotë Zelensky, e ka filluar tashmë Luftën e Tretë Botërore dhe e vetmja përgjigje është presioni intensiv ushtarak dhe ekonomik për ta detyruar të tërhiqet. "Unë besoj se Putini e ka filluar tashmë. Pyetja është se sa territor do të jetë në gjendje të kapë dhe si ta ndalojmë atë... Rusia dëshiron t'i imponojë botës një mënyrë të ndryshme jetese dhe të ndryshojë jetën që njerëzit kanë zgjedhur për veten e tyre."