Përpjekje të shumta janë duke u zhvilluar për të parandaluar derdhjen e një milion fuçive nafte në Detin e Kuq nga një cisternë që u sulmua nga rebelët Houthi. Anija MV Sounion, me flamur grek, u braktis nga ekuipazhi i saj në brigjet e Omanit pasi u godit më 21 gusht nga grupi rebel jemenas. Kompanitë private nën mbrojtjen e forcave ushtarake të Bashkimit Evropian do të përpiqen të shpëtojnë anijen, e cila ka potencialin të shkaktojë një nga rrjedhjet më të mëdha të naftës ndonjëherë nga një cisternë ndësa vijon të jetë ende nën flakë. Rebelët Houthi kanë shënjestruar disa anije në Detin e Kuq gjatë 10 muajve të fundit, një fushatë për të cilën grupi i mbështetur nga Irani thotë se është në mbështetje të Hamasit në Gaza. Komanda qendrore ushtarake amerikane tha vonë të martën se cisterna e goditur "kërcënon mundësinë e një fatkeqësie të madhe mjedisore" dhe akuzoi Houthi-t për "akte të pamatura terrorizmi". Komanda njoftoi se oepraconi I shpëtimit është ende në process ndërsa nuk dha detaje nëse anijet kanë arritur në venngjarje apo jo. komanda ushtarake amerikane njoftoi gjithashtu se dy anije që transportonin naftë u goditën me raketa balistike dhe një dron gjatë të hënës në këtë zonë.