Fiks Fare denoncoi mbrëmjen e së mërkurës një skandal që ndodh brenda ambienteve të Qendrës Spitalore Universitare 'Nënë Tereza' dhe pranë Institutit të Mjekësisë Ligjore. Gazetarët I kërkojnë informacion një punonjësi të policisë tek morgu, se cila është proceduara që kryhet në Institutin e Mjekësisë Ligjore me njerëzit që ndërron jetë në spital. Gjatë bisedës polici i këtij institucioni, pasi i tregon proceduarat ligjore, i ka ofruar gazetares një kartëvizitë të agjencisë funerale “Docci”.Pronari i agjencisë është shprehur se merret me të gjitha madje edhe me marrjen e skedës vdekjes, këtë do e bënte duke ndërhyrë tek mjekët. Në momentin që gazetarja i ka kërkuar pronarit të agjencisë vendin ku ndodhet agjencia funerale, ai i ka dalë përpara me ambulancë për t'i hapur rrugën me sirena ndezuar për të mos e vonuar atë. Pas mbërritjes së gazetares në ambientet e agjencisë së funeralit, pronari i ka ofruar të gjithë shërbimet, ndërsa është shprehur se punonjësit të policisë që i ka dhënë numrin dhe e ka lidhur me të, do ja jepte ai kafen dhe nuk kishte përse gazetarja të paguante atë.