Ashtu sic ndodh pothuajse cdo vit, edhe këtë vit është bërë përzgjedhja e makinës më të bukur. Vetëm një muaj nga viti 2022, një juri ekspertësh në Paris ka përzgjedhur Ferrarin si makinën më të bukur të vitit, duke I dorëzuar kështu markës italiane çmimin “Grand Prize of Design”, për modelin Daytona SP3. Ky model u prezantua për herë të parë në fund të muajit nëntorit të vitit të kaluar. Nga kjo makinë do të prodhohen vetëm 599 njësi, që do të kushtojnë rreth 2 milionë euro secili. Me Daytona SP3, Ferrari ka dashur të risjellë makinën ikonë të viteve 1960, me të cilën dominonte garën e qëndrueshmërisë, kundër Ford GT40, në pistën e Daytona. Makina ka një motor 6,5 litra me 12 pistona, motori më i fuqishëm i ndërtuar ndonjëherë nga Ferrari, i cili e bën makinën të arrijë një shpejtësi maksimale prej mbi 339 km/h. Në vitin 1967, Ferrari zuri 3 vendet e para në garën e Daytona-s, duke bërë që pronari i Ford, Henry Ford, të investonte miliona dollarë për të ndërtuar një makinë në gjendje që të konkurronte Ferrarin e markës italiane.