Top News- Përzgjidhen filmat për “Luanin e Artë” /Në garë për çmimin e madh Aronofsky dhe Amelio

Është publikuar lista zyrtare e filmave që do të konkurrojnë në Festivalin Ndërkombëtar të Filmit në Venecia 2022. Janë plot 73 filma prej të cilëve 23 do të garojnë për çmimin e madh “Luani i Artë”. Edicioni i 79-të i festivalit që mbahet nga 31 gushti deri më 10 shtator do të hapet me prodhimin e Netflix, “White Noise” të regjisorit amerikan Noah Baumbach. Ndër filmat që konkurrojnë për çmimin më të lartë të Venecias, është “Zoti i milingonave” i regjisorit italian Gianni Amelio, drama e regjisorit amerikan Darren Aronofsky “The Whale”, “Beyond the Wall” nga regjisori iranian Vahid Jalilvand, ‘The Son” i francezit Florian Zeller, “Bones and All” nga Luca Guadagnino si dhe komedia “Bardo” nga regjisori i njohur meksikan Alejandro Inarritu. Gjithashtu në garë është “L’immensita”nga Emanuele Crialese ku interpreton aktorja Penelope Cruz. Rreth 19 filma dhe dokumentarë, dy seriale televizive dhe katër filma të shkurtër do të shfaqen jashtë garës. 30 vepra të tjera (përfshirë filma të shkurtër) do të konkurrojnë në kategorinë kushtuar tendencave të reja të kinemasë.