Pas rreth gati një ore, ka përfunduar takimi i asamblesë së PS së vlorës ku ishte i pranishëm kryeministri Edi Rama, këshilltarët bashkiakë si dhe kryetarët e njësive administrative të bashkisë së Vlorës. Por ashtu siç pritej ka munguar në këtë asamble kryetari i bashkisë së Vlorës Dritan Leli, i cili prej disa muajsh i ka marrëdhëniet të tensionuara dhe në një pikë pa kthim me strukturat e partisë. Burimet nga mbledhja e zhvilluar me dyer të mbyllura kanë pohuar se kreu i qeverisë ka thënë se Leli e ka përjashtuar veten vet nga PS që në momentin kur nuk pranoi të kandidonte për deputet. Sipas Ramës në Asamble është diskutuar dhe çështja e bashkisë, për shkak se Vlora është në mesin e qyteteve që kanë të zhvilluar turizmin dhe meritojnë një vëmendje të veçantë. Ai la të kuptojë se do të ketë ndryshime të drejtuesve, duke pohuar se nga Vlora nuk mund ta ndajë mandati i deputetit në Durrës. Rama ka thënë në takimin e socialistëve vlonjatë se deputetet nuk do të merren më me emërime të drejtorëve, pasi ata dhe drejtuesit do të jenë në shërbim të qytetit