Modelja e njohur Khloe Kardashian prej vitesh është përfolur për ndërhyrjet e saj në fytyrë. Edhe pse prej kohësh përflitet për një gjë të tillë, modelja ka preferuar të mos reagojë në lidhje me këtë çështje. Por, së fundmi, Khloe ka vendosur të shuajë zërat në lidhje me aludimet që bëhen nga ana e ndjekësve të saj në rrjetet sociale. Në bashkimin që është bërë së fundmi për serialin Keeping Up With The Kardashians, ajo ka treguar sesi qëndron e vërteta pas gjithë këtyre zërave. Modelja tha se para nisjes së spektaklit kishte shumë besim tek vetja, por gjithçka ndryshoi pasi njerëzit nisën ta ofendonin. Kjo e fundit pranoi se e vetmja ndërhyrje që ka bërë në fytyrë, është rimodelimi i hundës. Duke mohuar kështu aludimin e shumë njerëzve, që thonë se ajo ka bërë tre ndërhyrje në fytytrë. Ajo shtoi se ka provuar dhe injeksionet, por nuk është fanse e botoksit. Khloe gjithashtu tha se trajtimi special që motrat e saj merrnin kanë ndikuar akoma më keq në besimin që ka tek vetja.