Mesa duket Elon Musk, nuk njeh ‘jo’ si përgjigje. Pasi u bë aksioner në Twitter, tashmë ai ka ndërruar mendje dhe dëshiron ta ketë në pronësi të plotë. Disa javë pasi u bë aksionari më i madh në kompani, ai i ka dërguar një letër Bret Taylor, duke shkruar se platforma e njohur duhet të bëhet private për të mbrojtur fjalën e lirë. CEO i Tesla bëri një ofertë për të blerë 100% Twitter-in për 54.20 dollarë për aksion, që është ekuivalente me 43 miliardë dollarë. “Oferta ime është oferta më e mirë dhe përfundimtare dhe nëse nuk pranohet, do të më duhej të rishqyrtoj pozicionin tim si aksioner”, shkroi ai, duke shtuar se Twitter ka potencial të jashtëzakonshëm që ai ec përpara.