Largimi i Armaldos nga Big Brother Vip duket se ka mërzitur jashtë Oltën, e cila ishte një ndër banoret që i ka qënduar më afër gjatë qëndrimit të tij në shtëpi. Mirëpo, publiku vendosi që mes Kristit, Luizit dhe Armaldos, ky i fundit të largohej nga shtëpia, duke hequr dorë nga çmimi i madh. Ata u dënuan nga Vëllai i Madh pasi thyen një nga rregullat kryesore të programit, u futën njëkohësisht në tualet dhe ky veprim është i ndaluar. Në Prime Luizi tha se të gjithë këtë e kishte mirëmenuar nga ana e tij. Pikërisht kjo gjë është bërë mollë sherri mes tij dhe Oltës. Kjo e fundit e ka fajësuar këngëtarin si fajtorin e vetëm për largimin e Maestros. Luiz nuk ka shfaqur pendesë, por sipas tij pengu më i madh ishte fakti që në këtë skemë përfshiu edhe Kristin.