Këngëtarja me origjinë shqiptare që jeton në Shtetet e Bashkuara të Amerikës, Ava Max, është qëlluar me shuplakë gjatë një koncerti në Los Anxhelos të martën në mbrëmje. Incidenti i kapur në kamera është publikuar nga mediat lokale ne Los Angelos, ku shihet një djalë që e godet Avën edhe pse rojet e sigurisë e kishin kapur. Ata e largojnë të djalin me shpejtësi, ndërsa këngëtarja vijoi shfaqjen e saj. Përmes një postimi në “Tëitter”, Ava tregoi se nga goditja iu lëndua dhe syri. "Më goditi aq fort sa më gërvishi syrin. Ai nuk do të vijë kurrë më në një shfaqje. Faleminderit juve që ishin spektakolarë sonte në Los Angeles”, shkroi ajo. Incidenti ndodhi pak ditë pasi një tjetër këngëtare shqiptare, Bebe Rexha, u sulmua gjatë një koncerti të saj në Nju-Jork, ku u godit me telefon në skenë teksa po këndonte dhe po bënte simbolin e shqiponjës. Autori i sulmit u arrestua dhe tha se e kishte kryer veprimin thjesht për shaka, për të parë nëse do të mund ta godiste këngëtaren, apo jo.