Top News – Pas ‘dasmës’ së shumëpritur/ S’ndalen momentet romantike midis Luizit dhe Kiarës

Me situatën e fundit, krijuar mbrëmjen e djeshme, e githë vëmendja e publikut dhe rrjetit është përqëndruar tek marrëdhënia e Luiz Ejllit dhe Kiara Titos. Në një lojë krijuar posaçërisht për ta, çifti u “martua” dhe kanë shkëmbyer puthjen e tyre të parë, duke zyrtarizuar kështu lidhjen e tyre. Fill pas kësaj situate, afrimiteti midis tyre është bërë akoma edhe më i ngushtë dhe momentet romantike janë gjithmonë prezente. Ata të dy janë cilësuar si banorët më protagonistë të “Big Brother VIP”, që ka bërë publikun të afeksionohet pas historisë së tyre. Luizi ka shprehur shumë herë pëlqimin e tij ndaj moderatores, por Kiara nuk i kishte dhënë shumë “shpresë” në fillim duke e injoruar dhe duke mbajtur distancë me të.