Këngëtarja shqiptare me famë botërore, Dua Lipa la pas Shqipërinë dhe këtë herë zgjodhi Greqinë për të vazhduar pushimet e saj verore. Ajo ndodhet në Peloponez, ku po shijon disa ditë relaksuese me të dashurin e saj Romain Gavras, dhe duke bërë gjithashtu një pushim nga jeta profesionale. Dua Lipa ka ndarë disa foto në rrjetet e saj sociale, me disa momente të bukura në plazh. “Duke lundruar në Peloponez”, ka shkruar këngëtarja në postim. Në disa prej tyre ajo shihet duke pozuar me rroba banje në një varkë, ndërsa në disa të tjera tregon peizazhet mahnitëse. Në një nga fotot ajo shihet duke pozuar me partnerin e saj. Dua shijoi disa ditë pushime edhe në bregdetin shqiptar me familjen dhe miqtë e saj.