Uria pritet të rritet në 23 pikat e nxehta globale në tre muajt e ardhshëm me alarmet më të larta për situata “katastrofike” janë për rajonin e trazuar të Etiopisë, Madagaskarin jugor, Jemenin, Sudanin e Jugut dhe Nigerinë veriore. Ky paralajmërim ka ardhur nga dy agjenci të OKB –së. Organizata e Ushqimit dhe Bujqësisë dhe Programi Botëror i Ushqimit thanë në një raport të ri mbi “Pikat e nxehta të urisë” midis gushtit dhe nëntorit se “pasiguria akute e ushqimit ka të ngjarë të përkeqësohet më tej”. Sipas tyre në krye të listës qëndron Etiopia, pasi numri i njerëzve që përballen me urinë dhe vdekjen pritet të rritet në 401,000, numri më i lartë që nga uria në Somali në 2011, nëse ndihma humanitare nuk ofrohet shpejt.